ASTEARTEA

Goizean, Errekatxora eraman gaituzte autobusez. Hasiera baten egon gara Interpretazio Zentroan, non azaldu digute zertara joan garen gune honetara. Alde batetik, bertako ekosistema aztertzera eta, bestetik, nola Errekatxoko historia nola dago lotuta meatzaritzarekin, eta bide horretatik, garai batean Castaños ibaian zehar zeuden burdinolei buruzko aipamenak ere entzun ditugu.Lehenengoz, ikusi dugu pelikula baten zati bat egur-ikatza nola egiten zen ikasteko.
Geroago errekara abiatu gara eta behin bere sakonera eta garbitasuna gehi gardentasunarako datuak hartu ostean, hasi gara batzen zomorrotxoak. Bat harrapatzen genuen bakoitzean argazki bat ateratzen genion eta berriro askatzen genuen. Oso ondo pasatu dugu.
Hau amaitu eta gero, hartu ditugu loreak, hostoak... eta gauza bera egin dugu, argazkiak atera, baina gero batzen genituen saski batean. Itzuli gara zentrora eta hor bildutako gauza guztiak egon gara aztertzen. Oso interesgarria iruditu zaigu dena, baina, batez ere, errekako uraren azterketa.

Amaitzeko, batzuk mineralak eta Ezagutu Barakaldoko bloga ikusten egon garen bitartean, besteok egon gara Barakaldoko auzo guztiak ikusten eta ikasten.

Arratsaldean, Barakaldoko frontoira joan gara. Hasieran esku pilotan aritu gara taldeka. Ze gogorrak ziren pilotak!! Askori gorritu egin zaigu eskua.
Gero, azaldu dizkigute euskal pilotaren inguruko gauza asko: historia, frontoi motak, modalitateak, ...Primeran pasatu dugu